انتي مو بس غالية لج انتي الغلا كله انتي ذهب انتي الماس انتي ورد ومصفط بسلة انتي جوري انتي نرجس انتي أحلى فلة انتي طير حُر فوكَـ الغيم علة انتي لو مريتي بية يوم هاي احلى طلة أدكَـ الدم الج كَهوة وأسوي الكَلب دلة والروح تغادرني وتجيج تلكَى الكَلب كَبل الروح هلة انتي من أوكَف كَبالج ما أعرف أحجي هذا جمالج حتى لساني شلة انتي مانخلق مثلج بعد وعالأرض بحلاتج الله ما خلة بس بالسما خلق حور العين ومن سمعن بيج هاجرن والبقن قلة انتي الما عرف كَلبج فد يوم كره ولا شاف ذلة انتي اليباوع بعيونج ينسى الهموم والصدر يفش كل غله يام كلام العذب ويام حجي موزون ولسانج ما نطق فد يوم زلة انتي روح الكَلب ولو عفتيني كَلبي بعدج عافني وولة وتحزن عليج الروح والجسد ينصاب بألف علة وتوكَف بية الدنيا وبعد متدور وحتى الجبل لو مشى يعثر بظلة ويظل حالي بعدج حال اليتيم الماتوا أهلة ولو فكرت انتي شنو بالنسبة الي وصفنت وهلة الكَاج دمي البشرياني والدم للكَلب عشيكَه وخلة انتي دلائل على قدرة الرحمن وآني أعبد الله الجبار وأجْلة انتي لوما انتي انتي جان حتى السلم كُفر ما صلى
English
hi5 Coins
